Calendario escolar

 Xa ía moito tempo que non me pasaba por aquí, e é que a situación na que nos atopamos segue a ser complexa.Vos deixo o calendario escolar para este novo curso tan atípico. Consultade a páxina web do centro na que vos iremos comunicando todas as novidades. Na próxima semana vos convocaremos a unha reunión de nivel telemática para resolvervos as posibles dúbidas e informarvos dos cambios.

Bono coidado extraordinario para a infancia

Para quen poida interesar 👨‍👩‍👧👨‍👩‍👦 

Videochamada de despedida

Queridas familias: O próximo venres día 19 de xuño as dúas aulas de 3 anos temos pensado facer unha videochamada de aproximadamente media hora (de 10:00 a 10:30)para despedirnos dos peques/as e que se podan ver entre eles.
Para poder participar debedes descargar a aplicación gratuíta webex meet. Nos próximos días vos enviaremos por correo electrónico o enlace para poder acceder á conversa. É moi doado, pero se precisades axuda non dubidedes en preguntar. Vos esperamos!

AVISO URXENTE

Vos informo que podedes consultar o boletín de notas deste trimestre e outras notificacións na aplicación ABALAR MOBIL, importante que a descarguedes para estar informados das novidades que van acontecendo. É moi sinxela de empregar.
Mandei un correo electrónico a todas as familias que non me figuran en dita aplicación pero hai outras que ninsequera teño o correo, así que vos agradecería que me enviedes a dirección á

pequesdelsalgado@gmail.com

moitas grazas

Na páxina web do centro colgamos recomendacións e tarefas para facer neste días de encerro, así como distintas páxinas que ofrecen recursos para que os nenos/as poidn seguir traballando os diferentes contidos dende a casa.
Así mesmo irase poñendo a información actualizada que nos vai a chegando.

Calqueira consulta non dubidedes en preguntar. 

Para non perder o ritmo do noso proxecto aquí vos deixo unha actividade da torre de Hércules para poder coñecela sen saír da casa.

Aviso importante

Dados os últimos acontecementos en relación ao coronavirus na nosa comunidade, a xunta suspende toda actividade lectiva dende o próximo luns día 16 durante 14 días. Mañá venres, só en casos de forzá maior, os nenos/as poderán vir ao centro.

Moito ánimo e esperemos que coa colaboración de todos esta situación se controle e remita o antes posible. 

Primeiro mandadiño entroido 2019

Xa está de Volta Manolo, o esqueleto máis festeiro, e o seu primeiro mandadiño para este entroido é...

Disfraces

Aproxímase o entroido, e seguindo coa temática do PDI que estamos a desenvolver ao longo deste curso, os nenos/as de infantil iremos de froitas variadas.

A Peixiños e mouchos  tocounos a piña e o Kiwi e aquí vos deixo algunha idea para facer os disfraces. Isto só é unha suxerencia, podedes empregar estes ou outros materiais (Fieltro,Goma eva,pintura, rotus, aeronfix...) e modelos, pero recordade que o tocado o faremos na clase.

Reunión curso 2018/2019

Convócase a todas as familias de educación infantil a unha reunión informativa sobre o novo curso escolar o xoves 6 de setembro ás 12:00.Vos esperamos.

Calendario escolar 2018/2019

Xa queda pouco para rematar as vacacións de verán, así que para ir preparando o novo curso escolar
clicade na imaxe para ver o calendario.

Mentres a seguir disfrutando dos días que quedan. 

Recordatorio festival de nadal

Queridas familias:
Recordade que esta semana (mércores e xoves) terá lugar o festival de nadal.Os que aínda non nos fixéchedes chegar a camiseta branca para decorar, acordádevos que mañá agradeceríamos que estivera aquí para non xuntarnos con moitas o propio día.O resto do vestiario(pantalón ou medias brancas, bufanda e gorro de inverno) o traerán xa posto da casa  e co nome de cada neno/a para evitar confusións.Moitas grazas pola colaboración.

FESTIVAL DE NADAL

A PRÓXIMA SEMANA TERÁ LUGAR O FESTIVAL DE NADAL.O ALUMNADO DE 3 ANOS FAREMOS UNHA ACTUACIÓN ONDE NOS CONVERTIREMOS EN BONECOS DE NEVE POLO QUE É PRECISO QUE TRAIAMOS ROUPA BRANCA PARA OS DOUS DÍAS (MÉRCORES 20 E XOVES 21) A PARTE DE ARRIBA PODE SER UNHA CAMISETA BRANCA DE ADULTO ,CANTO MÁIS LONGA MELLOR, E PARA A PARTE DE ABAIXO PANTALÓN,MEDIAS...TAMÉN TRAEREMOS BUFANDA E GORRO DE INVERNO.
NO COLE LLE POREMOS OS ADORNOS QUE LLE FALTAN, POLO QUE SE É POSIBLE AGRADECERÍAMOS QUE NOS FAGADES CHEGAR A PARTE DE ARRIBA UNS DÍAS ANTES E XA QUEDARÁ NA CLASE PREPARADA PARA O GRAN ACONTECEMENTO.
MOITAS GRAZAS

PORTACASTAÑAS

O próximo venres 10 de novembro terá lugar a celebración do Magosto e o Peón. Como cada ano precisamos da vosa colaboración para facer o portacastañas. Moitas grazas! 

PARVAS

Recordade que mañá o alumnado de 3 anos xa deberá traer a parva de media mañá.O calendario de parvas para todo o curso é o seguinte:

COMEZAMOS NOVO CURSO

HOXE OS PEQUENOS/AS DO COLE COMEZAMOS UN NOVO CURSO ONDE NOS ATOPAMOS UN MONTÓN DE NOVIDADES.COLE NOVO,PROFES NOVOS,COMPAÑEIROS/AS NOVOS... E ONDE XUNTOS APRENDEREMOS MOITAS COUSAS.
OS PRIMEIROS DÍAS SON DUROS, PERO SEGURO QUE PRONTO ESTAREMOS MOI CONTENTOS/AS E ADAPTADOS/AS.

BENVIDOS/AS!!!

Disfraz de entroido

Xa queda pouco para o tan ansiado desfile de entroido.Este curso a temática elexida son as "Fragas do Eume"o alumnado de Infantil iremos de peixes do río.Vos deixamos o modelo para que vos guiedes por el, e a poder ser que as escamas sexan de cores similares(azuis,prateadas,grises,lilas...) xa que no Eume non hai peixes de cores variados,a parte de atrás è igual que a de adiante(escamas e cola). Están feitas de fieltro e goma eva, o material o deixamos a vosa elección.
Da decoración da cabeza xa nos encargamos no cole.

Moitas grazas pola vosa colaboración.
(Na nota informativa vai toda a información detallada).

Notición

Nos próximos días teremos unha visita moi especial.Ollade que carta nos chegou o cole.
Estamos ansiosos/as de que chegue o día!!

Vestiario festival de nadal

Queridas familias:Como xa vos informamos na nota,este ano os nenos/as de 5 anos imos representar no festival unha festa de fin de ano.Para elo precisamos que veñan vestidos para tal acontecemento pero  NON É PRECISO que merquedes nada,empregade o que teñades por casa.

Algunha idea:

-Nenos: Pantalón vaqueiro,camisa,americana,paxariña,garavata,chaleco... e mooooi "repeinados".

-Nenas.Vestido de festa,camiseta con brillantes,purpurina...

O que si estaría ben sería que trouxeran no pescozo un espumillón ou un colar de cotillón.Seguro que están todos estupendísimos/as.

OLLO AO PIOLLO

Revisade cabeciñas,temos novamente "visitantes" nas clases de infantil.

Portacastañas

O próximo venres terá lugar unha nova celebración outonal.Nesta ocasión como xa fixemos o curso pasado xuntaremos o magosto e o peón.
Unha vez máis precisamos a vosa colaboración para facer o portacastañas.

Pregamos que o fagades chegar con tempo suficiente para poder decoralo e preparalo.Asimesmo recordade que estades convidados/as a compartir connosco este día tan especial,tanto degustando as castañas como bailando os peóns.