A VISITA DO RATONCIÑO PÉREZ

HOXE NA NOSA AULA PASOU ALGO QUE CHAMOU MOITO A ATENCIÓN. MENTRES COMÍA A RICA PERA, ARIADNE PERDEU UN DENTE!!!! E QUE CONTENTA ESTABA SABENDO QUE ESTA NOITE ÍA RECIBIR UNHA VISITA ESPECIAL.

E CON ESTE XA SON DOUS OS DENTES CAIDOS NESTE CURSO, E QUE CASUALIDADE QUE TANTO A IAGO COMO A ARIADNE LLE CAEU O MESMO. COMO DIN ELES AGORA PARECEN IRMÁNS :)

SEMANA DA FROITA

ESTA SEMANA NO VALLE-INCLAN VOLVEMOS A TER FROITA PARA A MERENDA, E ASÍ DE CONTENTOS A RECIBIMOS.

OPERACIÓN TARTARUGA - SAPOCONCHO

HOXE TIVEMOS NO COLE NOVOS VISITANTES, E COMO NON PODIA SER DOUTRO XEITO ALÓ FOMOS A COÑECELOS.

TRATÁBASE DE DÚAS TARTARUGAS DE TERRA QUE TROUXO SORAYA, QUEN NOS EXPLICOU UN POUCO QUE COMEN, ONDE VIVEN E AS SÚAS CARACTERÍSTICAS MÁIS DESTACABLES.

 UNHA DAS PREGUNTAS QUE NOS FACÍAMOS ERA SE FACÍAN PIS E CACA( SI, ESTES TEMAS ADOITAN ESPERTAR O NOSO INTERESE), E AS TARTARUGAS SON TAN LISTAS QUE EN VIVO E DIRECTO FIXERON UNHA DEMOSTRACIÓN, E ESTA CARA SE NOS QUEDOU A TODOS, CASE NOS SALPICA!!! A PROXIMA VEZ PENSAREMOS EN POÑERLLES CUEIRO ANTES.

GRAZAS SORAYA!!!

OBRADOIRO DE IGUALDADE

NO DÍA DE HOXE TIVEMOS UNHA NOVA VISITA, ROMINA; CHEGOU O NOSO COLE PARA PREGUNTARNOS EN QUE NOS DIFERENCIAMOS OS NENOS E AS NENAS E DESPOIS DE DISTINTAS INVESTIGACIÓNS, DESCUBRIMOS QUE A TODOS NOS GUSTAN AS MESMAS COMIDAS, XOGAR OS MESMOS XOGOS E COS MESMOS XOGUETES, QUE TEMOS A MESMA COR DE PEL OU DE OLLOS... ASÍ QUE XA SABEMOS QUE O ÚNICO NO QUE NOS DIFERENCIAMOS É QUE OS NENOS TEÑEN PENE E AS NENAS VULVA. PROMETÍMOSLLE A ROMINA NON USAR OUTROS NOMES PARA DESIGNAR ESTAS PARTES DO NOSO CORPO, COMO NON O FACEMOS COAS ORELLAS, OS OLLOS, A BOCA...
TAMÉN APRENDIMOS QUE HAI MILLEIROS DE FAMILIAS DISTINTAS E QUE TODAS SON MOI ESPECIAIS.
NON NOS PORTAMOS DEMASIADO BEN, PERO O IMPORTANTE É QUE APRENDEMOS ALGO E O PASAMOS EN GRANDE.

NOVAS TECNOLOXÍAS

AS NOVAS TECNOLOXÍAS TAMÉN CHEGARON A NOSA AULA, ASÍ QUE NESTE TRIMESTRE ÍMOSLLE DAR UN USO MAIOR E APRENDER MOITAS COUSAS CON ELAS. ENCÁNTANOS XOGAR A DISTINTOS XOGOS CO COELLO LECTOR E O MANEXO DO RATO É CADA DÍA MELLOR.
 ASÍ DE ATENTOS ESTIVEMOS NO NOSO PRIMEIRO CONTACTO ESCOLAR.

OPERACIÓN RATÓN

HOXE COÑECEMOS UNS NOVOS AMIGUIÑOS. DANI DA CLASE DE 3 ANOS VEU MOI BEN ACOMPAÑADO Á ESCOLA COA SÚA MAMÁ E AS SÚAS PEQUENAS MASCOTAS E CONVIDOUNOS A SÚA AULA PARA COÑECELAS.

MOITAS GRAZAS DANI!!!

CHEGARON OS REIS

OS REIS MAGOS TAMÉN CHEGARON Ó COLE, ISO DEBE SER QUE NOS PORTAMOS BASTANTE BEN.