GIF

GIF

mércores, 23 de decembro de 2020

FESTIVAL DE NADAL 2020

Onte foi un día de moitas emocións, despois dun trimestre atípico esperábamos con moitas ganas a chegada das tan ansiadas vacacións de nadal. Recibimos a visita da carteira real, que recolleu as nosas cartas para que chegaran ao seu destino sen problema, e vimos o resultado do festival de nadal que fixemos co profe Miguel e que queremos compartir con todos/as vós. Esperamos que disfrutedes da nosa actuación. Podedes ver o festival completo na páxina web do centro.

Agora a descansar e disfrutar do tempo de nadal en familia. A clase dos erizos ao  completo esperamos que o novo ano sexa moito mellor que o que se acaba e que chegue cargadiño de moita saúde para todos/as. FELICES FESTAS.



martes, 15 de decembro de 2020

CAMPAÑA RECOLLIDA DE ALIMENTOS

Comunicámosvos que o CEIP Salgado Torres en colaboración co Banco de Alimentos Rías Altas de A Coruña, realizará unha campaña solidaria de recollida de alimentos cos máis vulnerables da  provincia de A Coruña. Esta campaña abarcará desde o martes 15 ata o luns 21 deste mes de decembro.

Nesta campaña particípase recollendo alimentos non perecedeiros como leite, galletas, cacao, café, azucre, sal, aceite, legumes, pasta, arroz ou calquera tipo de conserva en lata. Cada neno/a poderá traer a súa doazón e entregala nas caixas habilitadas na súa clase.
Grazas a tod@s pola vosa solidariedade e colaboración.





RECOMENDACIÓNS DE TOC -TINA PARA O NADAL

 

Pasade polo blogue da biblioteca para máis información.





mércores, 25 de novembro de 2020

De fronte á violencia de xénero

 No salgado tamén miramos de fronte á violencia de xénero e nos unimos á campaña promovida pola deputación da Coruña, para este 25 N, con un estupendo traballo colaborativo entre a comunidade educativa, un mural que estará na entrada do centro .


 

 

Recoñecedes algunha destas olladas??
















 

xoves, 12 de novembro de 2020

Magosto 2020

 Este curso está sendo atípico en tódolos sentidos, e tamén no referente ás distintas celebracións, o que non quere dicir que deixemos de celebralas e disfrutalas. O profe Miguel preparou con tódolos nenos/as de infantil este baile outonal para o día do MAGOSTO. Ollade que ritmo temos!!




venres, 25 de setembro de 2020

Primeiros días

 Xa hai uns días que voltamos ao cole, e canto necesitábamos volver á normalidade aínda que sexa dunha maneira diferente, nova, con moitos cambios e normas.




 Necesitábamos ver aos nosos amigos/as, profes, volver a ter rutinas, recordar xogos, cancións e seguir aprendendo de e cos demáis.


Que este curso vai a ser diferente o temos claro, pero a nosa esencia e afán de superación seguirán intactos.







Novos materiais, e moita hixene, desinfeción e responsabilidade por parte de todos/as para que todo vaia o mellor posible.


mércores, 2 de setembro de 2020

Calendario escolar

 Xa ía moito tempo que non me pasaba por aquí, e é que a situación na que nos atopamos segue a ser complexa.Vos deixo o calendario escolar para este novo curso tan atípico. Consultade a páxina web do centro na que vos iremos comunicando todas as novidades. Na próxima semana vos convocaremos a unha reunión de nivel telemática para resolvervos as posibles dúbidas e informarvos dos cambios.